Cebu City- Mi-umol og Special Investigation Task Group ang Police Regional Office 7 nga maoy mututok sa imbestigasyon sa pagpamanhog sa mayor sa San Fernando Cebu.
Sa pakighinabi sa Bombo Radyo kang C/SUPT Debold Sinas, giingon niini nga duna nay mga pangalan nga gihatag si Mayor Neneth Reluya nga posibli nga dunay kalambigitan sa krimen.
Dako usab aang pagtoo sa mayor nga pulitika ang motibo sa krimen.
Samtang gipa-alerto na ni Sinas ang tanang mga police stations sa probinsya sa Cebu sa ilang pagpangita sa puti nga innova nga giingong gisakyan sa tulo ka mga suspek sanglit matud pa nauigo usab kini human nga nakareturn fire ang mga body guards ni Reluya.
Nakig coordinate na usab ang pulisya sa mga tambalanan sa posibilidad nga dunay naigo sa mga suspek.
Mahinumduman nga girakrakan ang Van ni Mayor Reluya pasado alas 6 kagabii sa may Brgy. Linao dakbayan sa Talisay sa 3 ka gunmen gamit ang M16 rifle kung diin dead on the spot ang bana ni Mayor Neneth nga si ABC President Ricardo “Nonoy” Reluya , tourism officer Ricky Monterona ug driver nga si Allan Bayot
