Cebu City– Mag-atubang og kasong Multiple Murder ug kalapasan sa Republic Act 9165 ang usa ka partisipante sa longboard trilogy human gidunggab-patay ang duha ka babaye sa probinsya sa Siquijor.
Ang suspek giila nga nga si Michael Manayon,34 anyos ug residente sa Lapulapu City, Cebu ug usa sa mga partisipante sa Visayan Longboard Trilogy nga gipahigayon karon sa probinsya sa Siquijor.
Samtang ang mga biktima ang giila nga sila si Nikki Piñero , 21 anyos ug 3 ka buwang mabdos ug residente sa Dumaguete City ug Loreen Ramirez 17 anyos ug residente sa Makati City.
Sa pakighinabi sa Bombo Radyo Cebu ni PO2 Vernel Cordova sa San Juan Police Station gibutyag ni ini nga hubog og high sa marijuana ang suspek sa dihang nahitabo ang krimen. Matud pa sa pulis nga padung na unta pabalik sa resort ang duha ka mga biktima sa dihang nagkasugat sila sa suspek nga adunay dala nga kitchen knife. Sa wala mayino nga rason kalit lamang nga gipangdunggab sa suspek ang duha ka mga biktima. wa na matabang ang mga biktima ug gibawi-an gayud sa ilang kinabuhi.
Sa pagsukitsukit sa mga kapulisan kang Manayon gibutyag ni ini nga nasuko kini human nga nadawat og impormasyo nga giplanuhan kini nga e set up aron nga ipasikop sa kapulisan. Sa iyang kalagot mikuha kini og sundang og nibahad nga pamatyon ang bisag kinsa man nga iyang masugat-an.
Narecover usab sa kapulisan ang usa ka plastic nga dried marijuana leaves sa posesyon sa suspetsado.
