Naka-ugmad og bag-ong “smart underwear” ang usa ka researcher
nga makamatikod ug makaihap kon kapila malibang ang nagsul-ob, nga magamit sa pagtuon sa gut bacteria ug digestive health.
Gipangulohan ang maong pagtuon ni Brantley Hall, usa ka associate professor sa University of Maryland, kinsa nagtinguha nga masayran kon unsaon pag-apekto sa pagkaon, labina ang mga fiber-rich food sa paghimo og hangin o gas sulod sa tiyan.
Ang maong underwear adunay gitaod nga gamayng aparato sa luyo nga bahin, diin aduna kiniy electrochemical sensor makamatikod sa hydrogen, usa sa mga gas nga gipagawas sa gut bacteria samtang nagproseso sa pagkaon ug mogawas isip utot.
Una kining gigamit sa “Human Flatus Atlas,” usa ka research project diin ang mga partisipante nagsul-ob sa maong smart underwear sulod sa halos 12 ka oras matag adlaw sa usa ka semana. Niining maong pagtuon, nasayran nga ang usa ka tawo malibang og average nga 32 ka higayon sulod sa 12 ka oras.
Bisan pa man nga wala pa kini giila nga official medical device, dako kini nga tabang sa padayong pagtuon para sa mga pasyente nga kasagaran makasinati og pagpanakit sa tiyan, pagpanuhot, ug sobra nga paghangin sa tiyan.
