-- ADVERTISEMENT --
Andam na ang Kamara nga gipangulohan ni Speaker Martin Romualdez nga maminaw sa pakigpulong ni Presidente Ferdinand R. Marcos Jr. sa iyang ikatulong SONA karong adlawa.
Matod ni Speaker Romualdez, nga nahuman na sa Presidente ang iyang gi-andam nga mga pulong apan tungod kay perfectionist kini, gipulido pa niini ang mga impormasyon ug datos ug idugang ang angay nga idugang.
Sa laing bahin, gipaabot ni Romualdez nga hisgotan sa Presidente ang mga nahimo sa administrasyon ingon man ang mga bag-ong programa nga ipahamtang nga makaayo sa mga Pilipino.
Sa hangyo sa pipila ka magbabalaod nga nanghinaot nga apil sa hisgutan sa Presidente ang kalabot sa POGO policy apan, si Romualdez iya kining gitugyan kang BongBong kong iapil ba niya kini.
