Gidayeg ni Speaker Ferdinand Martin Romualdez si Presidente Ferdinand Marcos Jr. alang sa iyang komprehensibo ug lig-on nga pagtaho ngadto sa katawhan sa iyang ikatulo nga SONA diin iyang gipasiugda ang iyang pasalig sa soberanya sa nasud, reporma sa ekonomiya, pasalig sa pagsiguro sa kaluwasan sa tanan ug katilingbanon.
Hinungdan nga mipasalig usab kini sa iyang hugot nga suporta sa Presidente.
Hilabi na nga ang Presidente dayag nga mipahibalo nga ang West Philippine Sea dili lang fiction ug iya kini sa Pilipinas ug ang total ban sa POGO sa nasud.
Matod pa sa Speaker, giila sa Presidente ang AFP, PCG ug mga mangingisda sa ilang importanteng papel sa pagmintinar sa integridad sa nasod sa gi-awayan nga teritoryo.
Gidugang pa sa speaker nga ang paghatag og gibug-aton sa Presidente pinaagi sa diplomatic channels makasulbad sa bisan unsang dili pagsinabtanay.
Gipahibalo ni Speaker Romualdez nga ubos sa pamunoan ni Marcos adunay maayong mga resulta sa ekonomiya, lakip ang pagmugna og trabaho, pagpalambo sa imprastraktura, ug pag-uswag sa digital infrastructure.
Gipasalig ni Speaker Romualdez nga suportahan sa Kamara ang pagpalabang sa mga mahinungdanong balaod.
