Gipangunahan ni Speaker Ferdinand Martin Romualdez ang pag-apod-apod sa 17 ka solar pumps nga makatabang sa gatusan ka mga mag-uuma sa pagpatubig sa ilang mga umahan sa Isabela, usa sa mga nag-unang probinsiya nga nagprodyus og humay ug mais sa nasud.
Gihimo ni Speaker Romualdez ang pagpanghatag uban sa mga opisyal sa National Irrigation Administration (NIA) ug sa lokal nga kagamhanan sa Isabela nga gipangulohan ni Gov. Rodito Albano.
Ingon man nga niuban kini kang Presidente Ferdinand R. Marcos, Jr. alang sa inagurasyon sa usa ka dakong proyekto sa solar pump sa samang dapit.
Gihatagan ug gibug-aton sa lider sa Kamara ang importansya sa irigasyon sa pagtikad sa humay, mais, ug uban pang produkto sa agrikultura dili lamang sa Isabela kon dili sa ubang bahin sa nasud.
Pinaagi sa solar pumps, si Speaker Romualdez niingon nga ang mga mag-uuma makatanom og mga tanom bisan pa kun kulang ang tubig sa ulan.
