CEBU – Daan nang wala maghandum ang usa ka sports analyst nga makadaug si Nonito “The Filipino Flash” Donaire sa away niini batok sa Japanese boxer nga si Naoya Inoue.
Gibutyag ni Edmund Navarro nga adunay mga ‘lapses’ nga gipakita si Donaire sa una pa lang round hinungdan nga nasugamak gayud kini sa mga kumo ni Inoue.
Napanglantawan ni Navarro nga gumikan sa ‘bad strategy’ ug ka-maayo sa kontra hinungdan nga napildi ang Pinoy boxer.
Giingong naglisod gayud kini sa pagsagang sa mga kumo sa Japanese boxer, kinsang naila usab nga pinaka-maayo sa ilahang division.
Nagkanayon si Navarro nga panahon na usab nga mo retiro na si Donaire sa natad sa boxing, apan nanghinaut kini nga adunay ‘farewell fight’ diin mudaug gayud ang ‘The Filipino Flash’ arun nga maghatag usab kaniya ug ‘good note’ sa kalibotan sa boxing.
