CEBU – Napanglantawan nang daan sa usa ka sports analyst ang nahimong kadaugan sa Golden State Warriors sa gipahigayong NBA Championship 2022.
Sa eksklusibong pakighinabi kang Edmund Navarro, nagkanayon kini nga ang kalampusan sa Warriors mao usab ang pagsugod sa ilahang dinastiya.
Gitino usab ni Navarro nga usa sa nagdala sa Warriors sa ilahang kampiyonato mao ang ilahang nindot nga sistema, ang kapabilidad ni Stephen Curry nga mobungkag og depensa ug ang kapaspason ug accuracy sa ilahang outside shots.
Sa pikas bahin, gitataw ni Daniel Quindao Guden, Bombo International Correspondents sa Las Vegas, Nevada nga pakyas ang Boston Celtics sa ilahang karera karong tuiga gumikan na usab sa daghang turn-overs diin mokabat kini sa kapin 21 ka turn-overs.
Gisamotan pa sa nagkuwang ang Boston og usa ka tinud-anay nga point guard diin matod pa niini anaa sa CEltics kaniadto si Kyrie Irving nga gikonsider nga pinaka-maayong point guard sa NBA.
