Posibleng dili makaduwa si bigman Kristaps Porzingis sa Golden State Warriors alang sa sunod nga dula sa Play-In Tournament.
Bisan dili pa sigurado, ang beteranong sentro naa sa listahan sa mga naangol tungod sa sakit sa iyang right ankle.
Ang sunod ug katapusang dula sa Play-In sa Warriors ipahigayon karong adlawa, Sabado, Abril 18, diin ang team makigsangka sa Phoenix Suns, diin ang modaog niini awtomatikong moabante sa 2026 Playoffs ug makigsangka sa top NBA team, ang Oklahoma City Thunder.
Sa pagbalik-lantaw sa katapusang dula sa Golden State batok sa Los Angeles Clippers, si Porzingis usa sa mga nanguna sa kadaugan sa 2022 NBA champion.
Diin ang maong bigman nakapuntos og 20 points gikan sa 8 ka field goal nga iyang nahimo, tulo niini ang 3-pointers.
Nakahimo usab siya og lima ka rebounds ug lima ka assists, usa ka steal, ug duha ka blocks sulod lang sa 28 minutos sa iyang pagpabilin sa hardcourt.
Si Porzingis usa usab sa mga core members sa 2024 Boston Celtics nga adunay dakong papel.
