Subling nagpakita og 4th quarter clutch performance ang rising team nga San Antonio Spurs human nila gipildi ang Golden State og 13 puntos, sa iskor nga natapos sa 126-113.
Nakatupong ang Warriors sa kusog sa San Antonio hangtod sa ika-3 nga quarter bisan wala nakaduwa ang superstar sa team nga si Stephen Curry.
Natapos ang ika-3 nga quarter nga parehong nagtabla sa 94 puntos ang duha ka team.
Apan, kalit nga milabaw ang San Antonio sa katapusang quarter ug sulod sa 12 ka minuto, gihatagan ang 2022 NBA champion og 32-19 run, nga miresulta sa 13 puntos nga kadaugan.
Gipangulohan ni Bigman Victor Wembanyama ang pagbalik sa Spurs nga adunay 26 puntos, 9 ka rebounds, ug duha ka blocks.
Samtang walay nahimo ang hapit triple-double nga performance sa defensive specialist nga si Draymond Green, kinsa adunay 17 puntos, 12 ka rebounds, ug walo ka assists sa tibuok duwa.
Kini ang ika-26 nga kapildihan sa Golden State samtang adunay 29 ka daog. Samtang ang Spurs, adunay 38-16 nga win-loss record, ang ikaduha nga pinakamaayo sa Western Conference sa NBA.
