Gipausbaw sa SSS ang pagpa-ubos sa interest rate para sa salary, calamity loan, pension loan alang sa surviving spouse pensioners, ug micro-credit loan facility pinaagi sa third-party providers.
Subay sa Labor Day nga mensahe ni President Ferdinand R. Marcos Jr., sa SMX Convention Center sa Pasay City, iyahang gitagaag pagtagad nga ang SSS nag-ila sa mga kugihang Pilipino, local man o gawas sa nasud, uban ang mga pagpauswag sa mga programa sa pautang niini: pagkunhod sa interest rate sa salary loan ug calamity loans; pagpalapad sa pension loan program aron maapil ang mga surviving spouse pensioners; ug pag-implementar sa loan facility sa micro-credit pinaagi sa mga third-party providers, kagahapong adlawa, Mayo 1, 2025.
Subay niana, ang SSS nakadawat og pagtugot gikan sa Social Security Commission aron makunhuran ang interest rates alang sa salary ug calamity loans gikan sa 10% ngadto sa 8% ug 7%, sumala sa Presidente ug CEO nga si Robert Joseph M. De Claro.
Ang pagkunhod sa interest rate sa mga programa sa pautang ipatuman sa Hulyo 2025, nga nagpunting sa mga miyembro nga adunay maayo nga kalidad sa kredito nga wala makapahimulos sa penalty condonation sa miaging lima ka tuig.
Sa pikas bahin, plano usab sa SSS nga palapdan ang Pension Loan Program (PLP) para sa mga surviving spouse pensioners, nga nagtumong nga moabot sa 1.2-M sa Disyembre 2024. Ang maximum loanable amount kay P150,000.00, ug ang programa masakop sa Credit Life Insurance. Ang target nga implementasyon mao ang Septiyembre 2025. Ang insurance premium pagakuhaon gikan sa PL proceeds.
Dugang niana, ang SSS naghisgut usab sa pagpatuman og micro-credit loan facility alang sa mga miyembro sa SSS nga adunay 15-90 ka adlaw, pinaagi sa mga third-party providers. Ang ideya gidala ngadto sa partner nga financial institution alang sa diskusyon ug pagpatuman. (Bombo Irene Ardiente)
