Nideklarar og state of calamity ang daghang mga lugar sa nasud tungod sa kusog nga pag-ulan nga nasinati.
Diin ang mga lugar naglakip sa Cavite, Cebu City, Sebastian, Antique, Malabon City, Quezon City, City of Manila; Calumpit sa Bulacan, lungsod sa Malasiqui ug Umingan sa lalawigan sa Pangasinan.
Tumong sa state of calamity declaration nga tugotan ang mga lungsod ug siyudad nga makagamit sa ilang calamity funds.
Ipatuman usab ang price freeze sa mga nag-unang palaliton sa mga nahisgutang lugar.
Samtang, sa wala pa nitak-op ang Hulyo 22 kay hingpit na nga nahimong bagyo ang Low Pressure Area sulod sa Philippine Area of Responsibility.
Kini ang ikaupat nga bagyo nga misulod sa teritoryo sa nasud ug tawgon nga Bagyong Dante.
Gawas sa Bagyong Dante, duha ka LPA sa sulod ug gawas sa PAR ang gibantayan usab, diin ang unang LPA nahimutang Southeast sa Basco, Batanes, ug ang LPA gawas sa PAR nahimutang sa East sa silangang Visayas.
Sa pagkakaron, ang southwest monsoon lang ang direktang nakaapekto sa pipila ka bahin sa nasod hinungdan sa walay hunong nga pag-ulan.
