CEBU – Minilyon sa mga tawo ang nagtomar ug statin nga tambal aron mapaubos ang ilang cholesterol ang mamahimo usab nga makakuha ug wala damha nga mga benepisyo.
Mahimong moubos ang posibilidad nga makakuha o makatagamtam sila og problema sa paglihok ug balanse sama sa nakita sa Parkinson’s disease.
Gilantaw sa usa ka pagtuon, ang relasyon tali sa paggamit sa statin ug parkinsonism.
Ang mga tawo nga adunay parkinsonism adunay pipila ka mga sintomas nga makita sa Parkinson’s disease – lakip ang hinay nga paglihok, paggahi sa kaunoran ug kalisud sa paglakaw ug pagmintinar sa balanse.
Apan, nagkadaiya ang mga hinungdan.
Nakaplagan sa mga tigdukiduki nga sa kapin sa 2,800 ka hamtong nga ilang gisunod, ang katunga adunay mga simtomas sa parkinsonism sulod sa unom ka tuig.
Apan kana nga peligro 16% nga mas ubos sa mga tiggamit sa statins.
Matod pa ni lead researcher Dr. Shahram Oveisgharan, sa Rush University Medical Center, sa Chicago, nga bisan paman wala nila pamatud-i nga direktang nagpaubos sa risgo sa parkinsonism ang mga statin apan nakahimo sila sa pagtuon sa autopsied brain tissue gikan sa mga partisipante nga namatay atol sa pagtuon.
Nipatim-aw nga kadtong mogamit og statins 37% nga mas lagmit nga adunay atherosclerosis-usa ka pagtukod sa mga “plaque” nga nagbara sa arterya-sa ilang utok.
Ug kini partially nagpatin-aw sa asosasyon tali sa paggamit sa statin ug ubos nga risgo sa parkinsonism.
