Subling mihimo og laing record si NBA Superstar Stephen Curry sa kadaugan sa Golden State Warriors batok sa Orlando Magic, sa iskor nga 121 – 115.
Si Stephen nakahimo sa pagbubo og 56 puntos sa kadaugan sa GS ug nakahimo og 12 ka 3-pointers gikan sa napulog siyam (19) nga iyang nahimo sa tibuok duwa.
Kini ang ikatulong higayon nga nahimo ni Curry sa iyang karera.
Gawas sa impresibong tres, si Curry nakahimo usab sa tanang 12 ka free throws nga gihatag kaniya.
Basi sa mga rekord sa NBA, mao na kini ang ika-45 nga duwa sa karera ni Curry diin nakahimo siya og siyam o labaw pa nga 3-pointers.
Kini nga rekord mao ang pinakataas sa tibuok liga. Gisundan siya sa shooter nga si Damian Lillard nga aduna ray 14 ka duwa.
Matod ni Curry, nakab-ot niya kini nga performance tungod sa pagsalig sa iyang mga kauban. Daghan kanila, matod niya, komportable nga ihatag kaniya ang bola aron iyang ma-shoot.
