Cebu City-Giklaro sa Philippine Drug Enforcement Agency (PDEA-7) nga wala nakasulod sa nasud ang laing matang sa drogas nga gitawag og “strawberry quick”.
Kini human nga mikatap sa publiko ang sayup nga impormasyon mahitungod niini nga kung mahulagway, sama kini sa usa ka popping candy nga magbutu-buto sulod sa baba.
Matud ni PDEA-7 Director Wardley Getalla nga wala silay nasakmit nga “strawberry quick” ug wala usab silay nadawat nga report nga naay migamit niini.
Samtang padayon nga gibantayan sa PDEA ang mga pantalan ug airport aron nga babagan ang bisan unsa nga matang sa ginadiling drugas mha makasulod inubanan sa ilang pagpakig-alayon sa Bureau of Customs, Philippine Ports Authority, Cebu Port Authority, ug uban pang mga foreign counterparts.
Gi-awhag usab ni Getalla ang mga mahiligon sa party nga magbinantayon sa palibot ug sa mga gipang-inom aron nga makalikay sa kadaut tungod sa ginadiling drugas.
