Nagmadaugon ang Sugboanong boksingero nga si Mark Ashley Fajardo, sa gipahigayung duwa sa South East Asian Games nga nahitabo sa nasud nga Thailand, niadtong Miyerkules, Disyembre 10.
Mapasalamaton si Fajardo gumikan kay nagmalampuson siya gisalmutang duwa ug labaw sa tanan luwas ra siyang nakigbatok sa Vietnamese og kasamtangan nang moabante sa quarter finals.
Gibutyag ni Mark Ashley Fajardo, nga mahinungdanon ang pagbansay sa sparring, hilabi na nga mas taas nga oras ang ilang gahinan sa pagduwa sa boksing og importante usab nga makab-ot nila ang stamina nga gilauman.
Matud ni Fajardo, nga muna-muna niinig adjust sa iyang timbang og depensa sa duwa gumikan kay ang iyang mga kontra sa maong natad mga langyaw og mas aduna gayuy advantage kompara ka niya, hilabi na hisgutanan sa gitas-on og gilapdon sa mga magduduwa.
Dugang usab niini, nga gipaningkamotan gayud sa boksidor ang pag-pressure batok sa Vietnamese, nga maoy gayuy nahimong yawi sa kadaugan niini taliwala sa height advantage.
Kompyansa usab si Fajardo, nga iya rang mapatumba ang iyang kontra nga Indonesian karong adlawa, inubanan sa iyang mga stratiheya nga gigamit usab susama sa Vietnamese.
Inspirasyon usab sa boksingero ang iyang pamilya nga anaa sa Sugbo sa dakbayan sa Talisay, nga padayung misuporta ka niya taliwala sa gisagubang nga kalisod tungod sa Bagyong Tino, nga mibaha sa ilang panimalay.
