Cebu City-Mukabat sa 1 ka milyon ka pesos ang namugnang danyos sa mitumaw nga sunug sa Sitio 3, Brgy Kamputhaw dakbayan sa Sugbo.
Matud ni Cebu City Fire Marshal Noel Ababon, nga nadawat nila ang alarma 10:20 ganihang buntag ug na under control ang kasyo 11:15 sa udto.
Mukabat sa kapin 100 ka mga panimalay usab ang gilamoy sa kayo ug hingpit nga naugdaw sa maong sunug.Matud ni Ababaon nga dili pa nila masuta ang hinungdan sa sunug taliwa sa mga naggawas nga mga taho nga gikan sa panimalay ni Purita Salapi ang kayo.
Dugang pa ni Ababon nga ila pang ipatawag ang mga witness aron masayran kung duna bay kamatuoran ang naggawas nga mga impormasyon.
Gitataw usab ni Ababaon nga wala kaayo silay nasugatang problema sa pagrespondi gumikan na usab sa tabang sa mga kapulisan ingon man sa sakop sa CITOM nga nitabang sa paghawan sa dalan aron makaagi ang mga bombero.
Kasamtangan karon nga gipahiluna karon sa Brgy Kamputhaw gymn ang mga residente.
