Sunog sa brgy. Apas nagbilin ug dul-an tunga sa milyon nga danyos

CEBU CITY-Anaa sa 12 ka mga panimalay ang naugdaw human nga mitumaw ang sunog sa Sitio Baca,,Brgy Apas lungsod ng Cebu.Kini ang gibutayg ni Cebu City fire Marshal Noel Ababon.Matud ni Ababon nga nadawat ang sunog 8:32 sa sa buntag ug na control alas 9:30 sa buntag.Naglisod sa pagpawong sa kayo ang mga kabomberohan gumikan kay usa lang ang agianan sa mga bombero ug kahagip-ot sa dan paingon sa nasunog nga mga panimalay.Gikinahanglan nilang ikutaykutay ang mga hose para makaabot ang tubig sa mga nasunog nga panimalay.Samtang nasamdan ang usa ka lalake nga si Emmanuel Moania human niya nga gibuak ang bintana sa sakyanan sa iyang igsoon nga nakababag sa dan aron makaagi ang mga firetruck gumikan kay nahabilin ang yawe sulod sa sakyanan.Lakip usab ang ilang panimalay ang nasunog.Giingong nagsugod ang sunog sa panimalay ni Cindy Branzuela ug gituohan nga faulty electrical wiring ang hinungdan sa sunog.Gibanabana nga moabot sa 400,000 pesos ang danyos sa sunog.Samtang matud ni Brgy. Apas Kapitan Ramil Ayuman nga ipailawom nila sa State of Calamity ang maong lugar aron makakuha ug funding aron makahatag ug construction materials nga mahatag sa mga apektadong residente .Sa pagkakaron anaa una gipahiluna sa basketball center ang mga nasunugan.