CEBU CITY — Nikabat ug 1.4 million ang danyos sa sunog sa residential area sa Sitio Antipolo Superior, Barangay Looc, dakbayan sa Mandaue kagabie.
Nakadawat og alarma ang atong ka-bomberohan alas 10:12 sa gabie ug dali kining gi-respondihan.
Tungod sa kahalapad ug kapaspas sa pagkuyanap, gisaka kini ngadto sa ikatulong alarma alas-10:28 kagabie ug ika-upat nga alarma alas-11:06.
Human sa tulo ka oras nga pakigkumbati sa mga kabumberuhan, gi-deklarar nga under control ang ka’yo sa takna nga 12:40 sa buntag.
Gikatahong niulbo ang ka’yo gikan sa panimalay ni Gemma Hayag apan midepensa kini nga giingong adunay tuyong misunog sa iyang pinuy-anan.
Base sa initial findings sa Mandaue City BFP, 81 niini ang completely burned samtang lima usab ang partially burned.
Gisuta pa sa mga kabumberuhan ang hinungdan sa dakong sunog samtang namahuway ang mga apektadong residente sa ilang barangay gymnasium. (reports by Bombo Eric Amaro and Bombo Benjie Tanghiyan/Rhea Acop)
