Dako nga sunog ang ni-ulbo sa Mananga Bridge, Brgy. Tabunok Talisay, diin ang status niini, nasaka sa Task Force Bravo, kagahapong adlawa, Hunyo 25, 2025.
Subay sa pakigsusi sa Bombo Radyo Cebu Team, ang hinungdan sa maong sunog gasukad sa usa ka balay nga gipanag-iya sa usa ka taho vendor nga si Julieto Banguisio.
Diin naka-ako pa kini og paso sa pipila ka bahin sa lawas niini kay buot pa nga luwason ang pipila ka mga gamit ug papelis sa iyahang anak nga kasamtangang niskwela niadtong tungura.
Sa higayon nga nikusog na pagsugod ang kayo sa maong sunog, na atlan nga walay tao ang ilahang panimalay kay nangumpra ang asawa ni Banguisio og mga sagol sa panindang taho.
Sa pagkakaron, ang dul-an 200 ka mga apektadong mga residente sa maong residential area, anaa gipahimutang sa Brgy. Tabunok gym ug kasamtangang giprobahan og evacuation tents alang apektado. | Bombo Irene Ardiente
