CEBU CITY-Gipasabot ni Department of Health-Central Visayas (DOH-7) medical officer Dr. Van Philip Baton ang saktong paagi sa pagsul-ob og surgical mask.
Dili matud pa tinood nga dunay duha ka pamaagi ang pagsul-ob sa mask depende kung ikaw naay sakit o wala.
Gitataw ni Baton nga ang ‘colored side‘ sa mask ang maoy makita ug ang puti nga side maoy matabon sa nawong. Butangan usab ang sulod sa mask dapit sa ilong og baba og tissue agi og ‘double protection’ sa mga droplets nga maoy mutakboy sa lawas sa tao.
Itapi-on kini sa baba ug pisliton ang metal wire sa mask nga ibutang dapit sa ilong para naay space aron makaginhawa. Dayon isab-it ang higot niini sa matag dunggan dayon birahon kini paubos sa suwang.
Giklaro usab ni Baton nga gamiton lamang ang mask sulod sa 3 ka oras ug ang tissue ang gamiton lamang sulod sa 15 ngadto sa 30 minutos.
