CARCAR CITY-Pasakahan na og kasong double murder karong adlawa sa Lunes, Desyembre 16, 2024 ang suspek nga mipatay sa inahan ug 14 anyos nga anak niini, sa Barangay Valladolid, Carcar City, Cebu Disyembre 11, 2024.
Kini ang gipahibalo sa Carcar City Police Station.
Ang suspek nga si Jethor Lapińa, hingkod ang edad kasamtangan nang gibalhog karon sa selda sa Carcar City Police.
Kahinumdoman, nga naabtan nalang sa mga kabanay ug silingan ang mag-inahan nga nanga-ligo sa kaugalingong dugo sulod sa ilang panimalay human pamusila didto sa Barangay Valladolid, Dakbayan sa Carcar, niadtong gabii, sa adlaw nga miyerkules,Desyembre 11,2024.
Giila ang mga nakalas nga sila si Jennive Abella 38; ug anak niining si Val 14; pulos nag puyo sa nahisgutang lugar.
Samtang ang suspek mao si Jethor Lapiña hingkod ang edad ug nag puyo ra sa maong lugar, uyab-uyab sa inahan nga namatay.
Una na nga na-interview sa Bombo Newsteam ang kabanay sa Biktima, nga padayon nga nag-away ang duha sa wala pa ang panghitabo gumikan sa selos sa Suspek.
Dugang pa, nga gipaambit usab sa suspek nga mabdos ang biktima, apan nagduda siya nga posibleng dili kini iyaha nga posibleng hinungdan sa subli nga panag-away sa duha.
Ang suspek nga si Lapiña daling nasikop ug gitanggong na karon sa Carcar Police Station.
