CEBU CITY-Nakadawat sa Plaque of Appreciation alang sa pag-host sa Palarong Pambansa 2024 si Suspended Cebu City Mayor Michael Rama sa Central Office sa Department of Education niadtong Huwebes Hulyo 18, 2024.
Pormal kining gitunol nila Usec. Revsee Escobedo, Usec. Annalyn Sevilla, Asec. Dexter Galban, ug ni Palaro Secretary General Asec. Francis Cesar Bringas.
Kung kahinumduman, dako og papel si Rama sa pagdala sa Palaro sa dakbayan sa Sugbo sa pag-bid niini sa nakalabay nga mga tuig.
Uban niya sa pagdawat sa pasidungog sila Cebu City Acting Vice Mayor Donaldo “Dondon” Hontiveros, Cebu City Sports Commission Chairman John Pages, ug ni DepEd Cebu City Assistant Schools Division Superintendent Adolf Aguilar.
Sa samang higayon, nakahigayon usab si Rama nga mahimamat ang bag-ong DepEd Secretary nga kanhi senador Sonny Angara sa maong buhatan.
