Taal Volcano, nakatala na usab og degassing activity – Phivolcs

Gikatahong nakatala na usab og degassing activity ang Taal Main Crater.

Basi sa taho sa Phivolcs, pinaagi sa Agoncillo Observation Station (VTAG), nahitabo ang pagbuga sa aso gahapong adlawa.

Giingong timailhan kini sa nagpadayong abnormalidad sa bulkan, mao nga aduna’y posibilidad nga mobuto ang phreatic eruptions.

Gawas niini, nabantayan usab ang dyutay nga mga pagtay-og sa bulkan sa miaging mga adlaw.

Ingon man nga nakita usab niini ang paghubag sa yuta ug uban pang kalihokan sa bulkan.

Gumikan niini, gipahinumdoman ang publiko nga likayan ang pagduol sa volcano island aron malikayan ang kapeligrohan nga dala sa kalit nga pagbuto.