Gilugwayan sa Ministry of Foreign Affairs sa Taiwan ang ilang visa-free entry program alang sa mga Filipino.
Kini nga programa gikatakda nga mahuman kini sa Agosto 1, 2024.
Hinuon, sa gipagawas nga pahayag sa Bureau of Consular Affairs, giingon nga lugwayan kini hangtod saHulyo 31, 2025.
Ubos sa programa, ang mga Filipino mahimong maka-apply alang sa visa exemption program, sigurohon lang nga dili molapas sa 14 ka adlaw ang ilang pagpabilin sa Taiwan.
Kinahanglan lang nga ipakita sa mga Pinoy traveller ang ilang booking alang sa accommodation, contact information sa host o sponsor, ug igong pondo o allowance.
Wala pay labot niini ang mga Filipino nga adunay diplomatic o service passport, bisan ang mga tripulante sa mga barko o eroplano nga nagplanong mo-report alang sa katungdanan samtang anaa sa Taiwan.
Sa pagkakaron, adunay gibana-bana nga 200,000 ka mga Pilipino nga nagpuyo ug nagtrabaho sa Taiwan.
Samtang, gawas sa Pilipinas, abli usab ang visa-free entry alang sa mga lungsuranon sa Thailand ug Brunei.
