-- ADVERTISEMENT --
Nagsumite ang singer nga si Taylor Swift og aplikasyon sa trademark sa United States Patent and Trademark Office aron maprotektahan ang iyang tingog, ilabina sa nagkadaghan nga paggamit sa artificial intelligence (AI) sa mga content creators.
Ang singer nagsang-at og duha ka sound recording nga nagsugod sa linya nga “Hey, it’s Taylor,” nga gigamit usab sa pag-promote sa iyang album nga The Life of a Showgirl, nga gipagawas niadtong Oktubre.
Tumong niini nga aplikasyon nga mapanalipdan ang iyang voice identity batok sa posibleng dili awtorisadong paggamit pinaagi sa AI technology.
Kauban ni Swift, ang aktor nga si Matthew McConaughey nagsang-at usab og trademark application aron maprotektahan ang iyang tingog gikan sa unauthorized AI use.
