CEBU – Gitataw sa kasamtangang naglingkod nga gobernador nga si Negros Oriental Governor Pryde Henry Teves nga kinahanglang i-uninstall una siya sa Department of Interior and Local Government (DILG) usa ma- install ang bag-ong giproklamar nga si Governor Roel Ragay Degamo.
Sa iyang facebook live niadtong Martes sa gabii, nagkanayon si Teves miingon nga sa sukaranan sa balaud dili pwede nga ang usa ka tawo hikawan sa iyang kagawasan ug katungod nga walay due process.
Matud ni teves nga kinahanglan nga mosang-at ang kampo sa bag-ong giproklamar nga gobernador og quo warranto case sa korte gamit ang desisyon sa Comelec para adunay back up ang DILG nga i-uninstall siya sa iyahang katungdanan.
Giawhag niya ang kampo ni Degamo nga mohangyo sa korte nga i-nullify ang iyang assumption sa office ug dili lang kay ang iyang proklamasyon.
Gibarugan ni Teves nga dili makatarunganon nga nagkasohanay silang duha si Roel Degamo ug Ruel Degamo nga wala siyay labot apan apil sa sentensya.
