Giakusahan sa militar sa Thailand ang Cambodia nga nakalapas sa kasabotan sa ceasefire, duha ka adlaw human nagsugod ang usa ka kasabutan nga gipatung-an sa Malaysia.
Matud sa Thailand nga adunay mga insidente sa pagpamusil sa tulo ka utlanan tali sa duha nga mga nasud kaniadtong Miyerkules.
Busa, nipasidaan ang Thailand nga kung magpadayon ang agresyon, mamahimong makatubag kini sa doble pa nga kusog.
Ang ceasefire mitapos sa lima ka adlaw nga panagsangka nga nipatay sa kapin 43 ka tawo ug nipabakwit sa kapin 300,000 ka sibilyan.
Gikanayon ni Major-General Winthai Suvaree, tigpamaba sa Thai Army, nga ang mga tropa sa Cambodian sa lalawigan sa Sisaket giingong nigamit og gagmay nga mga armas ug mga grenade launcher, nga nag-aghat sa mga pwersa sa Thai sa pagbalos sa pagdepensa sa kaugalingon.
Apan, kusganon nga gipanghimakak sa Cambodia ang alegasyon, ug gihimo lang kini aron gub-on ang pasalig sa duha ka nasud labi na sa atubangan nila ni Malaysian Prime Minister Anwar Ibrahim ug US President Donald Trump.
