Nideklarar ang Thailand og martial law sa walo sa mga distrito niini nga nag-utlanan sa Cambodia samtang nagpadayon ang pakigbinayloay sa mga strikes sa ikaduha nga adlaw sa panagbangi tali sa duha ka nasud.
Matud ni Apichart Sapprasert, commander sa Border Defense Command sa militar sa mga probinsya sa Chanthaburi ug Trat, nga epektibo dayon ang gipahamtang nga martial law sa pito ka distrito sa Chanthaburi ug usa ka distrito sa Trat.
Gipasidan-an usab sa acting Prime Minister sa Thailand nga si Phumtham Wechayachai nga ang mga panagsangka sa cross-border sa Cambodia nga naka-ibot sa labaw 130,000 ka mga tawo kay mamahimong mosangpot sa gubat.
Gani, ang maong kagubot karon sa nasud kay nakatala na og labing menos 16 ka mga tawo ang patay ug daghan na ang gikatahong samdan nga mga tropa.
Hinungdan nga padayon gihapon ang panawagan sa daghang nasud diin nag-awhag sa Thailand ug Cambodia nga hunongon ang away, lakip na ang Estados Unidos, China, Australia ug Association of Southeast Asian Nations (ASEAN).
