Nagkagamay na ang dalan paingon sa korona sa Miss Universe Philippines 2026 tungod sa pagpahibalo sa Top 31 delegates human sa preliminary interview round sa competition.
Gihimo ang pagpahibalo pinaagi sa Charity Gala Night sa nasudnong pageant nga gipahigayon sa City of Dreams Manila sa Parañaque City gabii, Abril 18. Diin sa sinugdanan, 30 lang ka delegado ang unta mapili.
Gipasiugdahan sa Miss Universe Philippines Organization (MUPH) ang kalihokan aron makatabang sa pagpangalap og pundo sa tulo ka charitable institutions nga ilang kauban karong tuiga diin mao ang Hope for Change, Project Pearls, ug Miss Possibilities.
Apan, misaka gihapon ang tanang 50 delegates sa entablado alang sa fashion show tungod kay, sa teknikal nga paagi, ang tanan nga mga partisipante anaa gihapon sa kompetisyon bisan pa sa duha ka hugna sa eliminasyon.
Ingon man nga lakip sa miabante, ang garbo ug dungog sa Sugbo nga si Cebu City Apriel Smith ug si Cebu Province Nicole Borromeo.
