Gikatahong dili luwas ang mga torotot sa mga makahilo o toxic chemicals sumala pa sa advocacy group nga BAN Toxics.
Kini ang gipamahayag ni Thony Dizon, ang Advocacy and Campaign Officer sa BAN Toxics sa eksklusibong pakighinabi niini sa Bombo Radyo Cebu News Team diin saysay pa niini nga bisan paman nga mas luwas kun itandi sa mga pabuto (firecrackers) ang torotot kay dili kini libkas sa lain kadaot sa panglawas sama sa mga toxic chemicals diin mugna ang maong produkto.
Gipahibalo niini nga isiguro nga kasaligang pamutos ang mapalit nga tororot ug adunay label aron masuta kung wala ba kini presensya sa makalason nga kemikal sama sa lead (tingga) aron masigurong mas luwas kini nga substitute nga noise maker sa pagsugat sa umaabot Bag-ong Tuig.
Ang primerong adbokasiya sa grupo kay ang batok sa mga pabuto ddin aduna silay temang gihuptan sa grupo kay mao ang “Iwas Paputok, Iwas Disgrasya, Iwas Polusyon” isip sa ilang panawagan nga likayan ang disgrasya sa pabuto og kadaot nga mamugna niini sa kinaiyahan sa polusyon sa hangin.
Gani sumala pa niini nga niadtong 2024 kay nakatala og kapin 800 nga mga nangaangol tungod sa pabuto subay sa datos sa Department of Health (DOH).
Pahimangno sa grupo sa publiko nga kung mahimo likayan ang mga pabuto og magamit nalang sa mga alternatibo aron malipayon ug luwas nga sugaton ang bag-ong tuig 2026.
