Nahimong produktibo ang trade meeting nila ni Special Assistant to the President for Investment on Economic Affairs Secretry Frederick Go ug US Trade Representative Jaime Greer, diin ilang gihisgutan ang mga potensyal nga kahikayan aron mapalig-on ang relasyon sa pamatigayon tali sa Pilipinas ug Estados Unidos.
Kini nunot sa pagpatuman sa 17% reciprocal tariff nga gipahamtang sa Washington sa mga produkto nga gikan sa Manila.
Matod ni Sec. Go ang delegasyon sa Pilipinas nakahimo sa pagpadangat sa tanang mga kabalaka nga gipatungha sa mga stakeholders gikan sa export industry sa nasod.
Dugang niya nga pipila sa mga partikular nga industriya nga ilang nahisgutan mao ang semi-conductor ug electronic industries, ilabi na kay mao kini ang nag-unang export industry sa nasud ngadto sa America.
Gisundan kini sa industriya sa lubi, ingon man ang industriya sa garment, furniture, ug food processing industries.
Gikanayon sa kalihim nga nakahimo sila sa pagpresentar sa tanan nga mga isyu, diin nalipay nga naminaw ang mga representante sa Estados Unidos.
Subay niini, nagtukod ang Department of Trade and Industry (DTI) og technical working group nga maoy motutok sa negosasyon.
