-- ADVERTISEMENT --
METRO MANILA-Gipahibalo ni Department of Energy (DOE) Secretary Raphael Lotilla nga ang administrasyong Marcos nakahimo sa pagpadali sa pagkompleto sa mga proyekto sa transmission line nga makapalig-on sa sitwasyon sa kuryente ug makapamenos sa bayranan sa kuryente sa tibuok nasod.
Matud niini nga ang gitas-on sa transmission lines human sa pagkompleto sa nagkalain-laing proyekto sa miaging duha ka tuig misaka og 10 porsyento.
Diin namatikdan ni Lotilla nga ang 10-porsiyento nga pagtaas sa gitas-on sa mga linya sa transmission tali sa 2022 ug 2024 mas taas kaysa 8-porsiyento nga pagtaas gikan sa 2009 hangtod 2022, o sa miaging 13 ka tuig.
