CENTRAL VISAYAS-Mosalmot ang transport group sa Sugbo sa pagahimuon nga nationwide transporation strike pinanguluhan sa Pinagkaisang Samahan ng mga Tsuper at Opereytor Nationwide (PISTON) karung umaabot nga Nobyembre 20 ngadto na sa 23.
Mao kini ang gibutyag ni Eduardo Montealto Jr., ang Regional Director sa Land Transportation and Regulatory Board Central Visayas.
Apan gitino sa opisyal nga usa ra ka adlaw musalmot ang PISTON-Cebu sa naasoy nga nationwide 4-day transportation strike.
Subay sa panawagan sa mga kadagkoan sa LTRFB sa kaulohan nga dili ihinayon ang ipahigayon nga transport strike sa PISTON sa nasud, gipanawagan usab ni Montealto ngadto sa mga kawani sa PISTON-Cebu nga dili nalang musalmot sa maong transport strike.
Kini aron nga malikayan nga maapektuhan sa mga commuters.
Gihimug-atan sa opisyal nga adunay lain nga paagi aron nga ipadayag sa mga drivers ug operators ang ilahang mga yangongo ug gihangyo sila nga mubuhat og mga pagwelga sa paagi nag dili makaapekto sa mga pasahero.
