Nanawagan si kanhi Senador Antonio ‘Sonny’ Trillanes nga palagputon si Bise Presidente Sara Duterte kalabot sa bag-o niyang pamatasan sa pagdungog sa kamara nga naghisgot sa proposed budget sa Office of the Vice President (OVP).
Sa usa ka online post, si Trillanes niingon nga ang paggasto sa P125 milyones nga confidential funds dili lang impeachable offense sa Bise Presidente.
Idugang pa niini ang giingong pagpanuborno ug kurapsyon tungod kay nakadawat siya og duha ka tseke nga nagkantidad og 14.4 milyones gikan sa kanhi economic adviser ni kanhi Presidente Rodrigo Duterte nga si Michael Yang samtang naglingkod siya isip mayor sa Davao City.
Kahinumduman nga atol sa pagdungog sa proposed budget sa OVP alang sa tuig 2025, nagpabiling lig-on si VP Sara sa iyang baruganan nga dili siya motubag sa mga pangutana bahin sa paggasto sa iyang buhatan sa P125 milyones nga confidential funds sulod sa onse ka adlaw.
Matod ni Duterte, ang maong mga alegasyon walay labot sa diskusyon bahin sa budget sa OVP alang sa sunod tuig.
Samtang sa sayo pa, gipadayag usab ni Trillanes ang iyang kinaiya bahin niining hitaboa niadtong Martes lang, Agosto 27.
Matud pa sa kanhi senador nga nagtuo siya nga panahon na nga dungan nga paminawon ang mga magbabalaod aron palagputon si Duterte sa iyang posisyon.
