CEBU CITY – Mas mitaas ang tsansa nga subling mudaug si US President Donald Trump sa umaabot nga US election.
Kini ang gipadayag ni Rufino Pinoy Gonzales, Bombo US Correspondent.
Sigon ni Gonzales nga inay makapaubos sa rating ni President Trump ang impeachment case nga gi-atubang niini, giingong mas mitaas kini human nga daghang mga supporter sa Democrats ang mibali sa ilahang baruganan.
Matud pa nga nagpakita lang mga kongresista sa Democrats ug ‘desperation’ alang sa umaabot nga US election.
Giingong ang impeachment case batok sa US President, usa lang ka estratehiya nga mapildi kini sa eleksyon.
Gipahibalo niini nga niadtong unang pagtumaw sa maong isyu, giingong hilabihan ang kasuko sa mga American citizens gumikan sa istilo sa mga kongresista nga miduso ug impeachment batok ni Trump bisan ug walay igong basihan.
Nagkanayon kini nga wala mahatagi ang US President ug ‘due process’ sa maong impeachment case hinungdan nga napanglantawan nga mahitabo usab kini sa mga ordinaryo nga mga US citizens.
Kahinumdoman nga pakyas ang Democrats nga magpatawag ug dugang nga witness ug dokumento alang sa impeachment trial ni US Donald Trump.
Nakakuha ug 51 nga boto batok 49 nga pagg-uyon gikan sa mga senator-judges nga angayang pang magkuha ug dugang nga witness.
