Gimandoan ni U.S. President Donald Trump ang United States Navy nga pusilon ug patyon ang bisan unsang mga barko sa Iran nga makita nga nagbutang og mga explosibong mina sa Strait of Hormuz.
Sa usa ka post sa social media, miingon si Trump, nga gimandoan niini ang United States Navy nga pusilon ug patyon ang bisan unsang barko, bisan gamay nga mga barko, nga nagbutang og mga explosibo sa tubig sa Strait of Hormuz.
Sumala kaniya, ang Estados Unidos nagpadayon sa operasyon sa pagkuha sa mga mina sa strait ug karon adunay mga “mine sweepers” nga aktibo sa lugar. Gimandoan usab niya ang pagpalapad niini nga operasyon og tulo ka pilo.
Sa tunga sa nagkakusog nga tensyon sa rehiyon nga nalambigit sa global economic pressure, gisubli ni Trump ug Defense Secretary Pete Hegseth ang ilang pahayag nga ang nag-unang naval forces sa Iran, nga gibanabana nga moabot sa 150 ka barko, naguba na.
Apan gitaho nga ang Islamic Revolutionary Guard Corps (IRGC) adunay nahabiling mga assets sama sa gagmay nga mga sakayan nga padayon pa nga gigamit sa ilang operasyon.
