Gipahibalo ni US President Donald Trump nga ang US mo-escort sa mga barko agi sa Strait of Hormuz gahapong adlawa.
Sumala sa US Central Command, ang suporta sa militar naglakip sa mga guided-missile destroyer, diin kapin sa 100 ka eroplano ug 15,000 ka service members.
Kini giingong pagsuporta sa “Project Freedom” ni Trump aron mabawi ang kagawasan sa nabigasyon sa Strait of Hormuz. Ingon man nga giklaro sa usa ka opisyal sa US nga dili kini usa ka escort mission.
Dugang usab ni CENTCOM commander Adm. Brad Cooper nga ang ilang suporta alang sa usa ka “defensive mission” nga importante alang sa seguridad sa rehiyon ug sa ekonomiya sa kalibutan samtang gipadayon ang ilang naval blockade.
Apab, nagpasidaan ang taas nga opisyal sa Iran nga si Ebrahim Azizi nga ang plano usa ka paglapas sa kasamtangang ceasefire.
Sa iyang Truth Social account, si Trump miingon nga ang escort sa mga barko gitumong sa pagpagawas sa mga inosenteng tawo, kompanya ug mga nasud nga biktima lamang sa mga panghitabo.
Gi-report usab ni Trump nga adunay “very positive discussions” tali sa mga representante sa Amerika ug Iran ug nagtuo nga kini moresulta sa positibo nga resulta alang sa tanan.
