Gipahibalo ni U.S. President Donald Trump nga ang Estados Unidos mopatuman og naval blockade sa Strait of Hormuz human sa napakyas nga peace talks tali sa Iran ug pipila ka mga nasud nga gipahigayon sa Islamabad, Pakistan.
Sa usa ka post sa Truth Social, si Trump miingon nga ang U.S. Navy magsugod dayon sa pagbabag sa tanang barko nga mosulod ug mogawas sa oil port. Sumala niya, ang tumong mao ang pagpugong sa Iran sa giingong pagkolekta og “illegal tolls” gikan sa mga barko.
Dugang ni Trump nga ang ubang mga nasud moapil usab sa blockade, ug ang Iran dili tugutan nga makaginansya gikan sa sitwasyon samtang ang ekonomiya sa kalibutan apektado.
Nagpasidaan usab si Trump nga ang U.S. mosakmit o mobabag usab sa Navy sa tanang barko sa internasyonal nga katubigan nga giingong mobayad og “toll” sa Iran baylo sa pag-agi sa Strait of Hormuz.
“At some point, we will reach an ‘ALL BEING ALLOWED TO GO IN, ALL BEING ALLOWED TO GO OUT’ basis, but Iran has not allowed that to happen by merely saying, ‘There may be a mine out there somewhere,’ that nobody knows about but them,” he said. “THIS IS WORLD EXTORTION, and Leaders of Countries, especially the United States of America, will never be extorted,” pahayag ni Trump.
Ang Strait of Hormuz usa sa labing hinungdanon nga pantalan sa lana sa kalibutan, diin moagi ang usa ka dako nga bahin sa suplay sa petrolyo sa kalibutan.
Tungod niini, ang bisan unsang pagbabag sa Strait mahimong adunay mas lapad nga epekto sa ekonomiya sa kalibutan.
