Napamatud-ang sad-an sa usa ka korte sa New York ang si kanhi US President Donald Trump sa tanang 34 counts sa pagpa-meke sa iyahang business records.
Gibasa sa 12 ka mga hurado ang ilang giingon nga findings atubangan ni Justice Juan Merchan.
Ang 34 ka ihap gikan sa 11 ka mga invoice, 12 ka mga voucher ug 11 ka mga tseke gikan sa binuwan nga reimbursement ni Trump gikan sa iyang pagbayad kang Michael Cohen.
Girepresentar ni Cohen si Trump nga mobayad og $130,000 sa adult star nga si Stormy Daniels.
Baylo sa bayad, si Daniels kinahanglang magpakahilom ug dili ibutyag nga aduna siyay relasyon ni Trump aron dili madaot ang 2016 election.
Si Judge Merchan nagpasalamat sa mga hurado diin ang hukom ni Trump gitakda alang sa Hulyo 11.
Gisalikway usab sa huwes ang usa ka hangyo sa abogado ni Trump, nga si Todd Blanche, nga ibasura ang mga kaso kung mahimo.
Ang depensa niini mao nga ang hukom nga gi-isyu nga wala’y testimonya ni Cohen.
Nagtuo sila nga namakak si Cohen sa maong kaso.
Ang maong petsa pipila ka adlaw sa dili pa ang Republican National Convention nga magsugod sa Hulyo 15.
Kini ang unang higayon nga ang kanhi o kasamtangang presidente nakonbikto sa usa ka kaso.
