Gisaway sa pipila ka mga magbabalaod sa Kamara nga usa ka pormal nga tubag ang gisumiter nga tubag ni Bise Presidente Sara Duterte sa mga reklamo sa impeachment nga iyang giatubang samtang ang kampo sa Bise Presidente miinsistir nga ang iyang kaso wala gitratar nga patas.
Sumala ni Batangas Rep. Gerville Luistro, chairperson sa House Committee on Justice, ang gisumiter nga consolidated verified nga tubag ni Duterte wala motubag sa mga alegasyon apan giingong usa lang ka lakang aron ibasura ang mga reklamo.
Gipasabot sa magbabalaod nga tungod kay ang Bise Presidente wala direktang mitubag sa mga isyu, kini giisip nga usa ka kinatibuk-ang paglimod ug ang mga alegasyon batok kaniya magpabilin nga lig-on.
Gisuportahan kini ni La Union Rep. Paolo Ortega V ug Manila Rep. Joel Chua, kinsa miingon nga ang ikaduhang presidente nagtago lamang sa luyo sa mga teknikalidad imbes nga atubangon ang ebidensya.
Sa laing bahin, gidepensahan sa kampo ni Duterte ang ilang gisumite nga tubag.
Diin gipasangil nila nga adunay doble nga sukdanan sa proseso kon itandi sa mga reklamo sa impeachment nga gisang-at batok kang Presidente Ferdinand Marcos Jr.
Gikuwestiyon usab sa iyang grupo sa depensa ang kredibilidad sa saksi nga si Ramil Madriaga, ang giingong kanhing aide nga nag-angkon nga gimandoan sa pagbalhin sa dakong kantidad sa salapi alang sa bise presidente.
