METRO MANILA-Naglaum si Senador Juan Miguel Zubiri nga madungog sa ikatulong state of the nation address (SONA) ni Presidente Ferdinand R. Marcos Jr. ang plano sa administrasyon nga ipaubos ang inflation ug ang presyo sa mga palaliton, partikular na ang bugas.
Usa sa mga isyu nga gilauman ni Zubiri nga hisgutan ni Presidente Marcos sa iyang SONA mao ang pag-umento sa inadlaw nga suholan sa mga minimum wage earners.
Gitataw sa senador, ang gipatuman nga usbaw sa suholan kaniadto kay dili paigo alang sa mga Pilipino nga makasugakod sa pagsaka sa presyo sa mga palaliton.
Sa samang higayon, nanawagan usab si Zubiri nga ipasar ang giaprobahan nga P100 nga legislated wage hike sa Senado.
Diin ang senador nangayo sa suporta kang Presidente Marcos niining maong sugyot.
Sa pagkakaron, giaprobahan na kini sa Upper House sa ikatulo ug katapusang pagbasa, apan gipaabot pa ang bersyon sa Kamara sa maong sugyot.
Gusto usab sa magbabalaod nga madungog ang isyu bahin sa mga POGO ug ang klaro nga palisiya niini.
