Gisirad-an ang usa ka tugpahanan sa London human nahagsa ang usa ka eroplano.
Matod sa mga otoridad, nakadawat sila og report bahin sa nasunog nga eroplano duol sa airport gahapong adlawa.
Ingon man nga wala’y opisyal nga kompirmasyon kabahin sa ihap sa namatay o nasamdan sa insidente.
Gikompirmar sa usa ka Dutch company nga ila ang eroplano, ug nakig-alayon na sila sa mga awtoridad sa imbestigasyon.
Nasayran nga ang nahagsa nga eroplano gikan sa Athens, Greece, ug paingon sa Pula, Croatia, diin gikatahong molupad kini balik sa Lelystad Airport sa Netherlands.
Subay niini, nagpaabot na og tabang si UK Transport Secretary Heidi Alexander, ug nagpasalig nga iyang gibantayan ang sitwasyon ug nagpahayag og suporta alang sa mga lokal nga opisyal gikan sa Southend City Council ug Parliament.
