CEBU CITY — Tulo ka bus ang nabuakan sa ilang mga windshield kagahapon atol sa kasaulugan sa San Juan.
Kini tungod kay imbis nga tubig ang iitsa subay sa naandan nga tradisyon, mga botelya og bato naman ang gipanglabay sa mga tao sa mga bus. Kini ang gibutyag ni Joy Tumulak ang head sa Cebu South Bus Terminal (CSBT).
Gani gamay lang ang mga bus nga mibiyahe kagahapon tungod sa kabalaka.
Usa usab sa mga driver ang nalandig gyud sa tambalanan human naka-angkon og samad sa ulo ug naperwisyo usab ang mga pasahero tungod kay ang uban gipabalhin nalang sa laing bus ug ang uban nastranded.
Samtang gihimug-atan usab ni Julie Flores, ang chairman sa Cebu Provincial Bus and Mini Bus Operators Transport Cooperative nga angayan nga dunay mga pulis nga magpatrolya sa mga area kung diin hitak ang sama niini nga mga kabuang.
Kini gumikan kay kada tuig naa gyuy mahitabo nga sama niini.
Risgo matud pa dili lang sa driver apan lakip na sa mga manakayay. Hayan nanawagan kini sa mga kapulisan nga angayan kining tutukan ug aksyonan.
