Nasikop ang usa ka lalaki sa Municipal Environment and Natural Resources Office (MCENRO) mga alas 6:06 sa buntag niadtong Hunyo 8, 2026, tungod sa ilegal nga paglabay og basura sa suba sa A. Soriano – Brgy. Centro Bridge sa Mandaue City, Cebu.
Gikanayon sa Command Center nga lakip ang pagbantay sa mga pampublikong lugar ug mga agianan sa tubig ang ilahang gibantayan pinaagi sa CCTV surveillance.
Pinaagi niining mga paningkamot, ang mga nakalapas sa mga ordinansa sa kalikopan mailhan ug ipaubos sa angay nga aksyon.
Matod pa ni Arnold Malig-on, ang pangulo sa Command Center Section, ang maong suspek sa pagtambak sa basura gituohang adunay problema sa pangisip. Hinungdan nga ang MCENRO nag-isyu lang og pasidaan, imbes nga citation ticket.
Dugang ni Malig-on, ang Command Center dili lang nagmonitor sa trapiko, kondisyon sa panahon, ug mga kabalaka sa kaluwasan sa publiko, apan nagbantay usab sa mga pampublikong lugar ug mga agianan sa tubig aron makatabang sa pagpatuman sa mga ordinansa sa kalikopan.
