Giklaro ni Cebu City Councilor Dave Tumulak, nga ang nahulpa nga yuta sa bahin sa Salinas Drive sa Barangay Lahug, Dakbayan sa Sugbo niadtong adlawng Biyernes, Agosto 7, 2026. dili usa ka sinkhole apan nahulpa kini gumikan lamang sa kahumok sa yuta.
Base sa inisyal nga imbestigasyon, nagpakita nga ang usa ka nagtulo o nadaot nga pipeline sa JE Hydro nga konektado sa Metropolitan Cebu Water District (MCWD) mahimong hinungdan sa pagbanlas sa ilawom nga bahin sa kadalanan, nga miresulta sa pahulpa sa yuta. .
Hinungdan nga dali nga nagsiguro sa lugar gamit ang mga safety cordons ug mga warning device aron malikayan ang mga aksidente nga naglambigit sa mga motorista ug mga pedestrian.
Tungod sa panghitabo, temporaryong naapektuhan ang suplay sa tubig sa pipila ka lugar sa; Busay, Nivel Hills, PBN, Plazaville, Maracas, Lahug, Gorordo,
Escario, Capitol Site, Jones Area, Camagong, Ramos, Sambag 1 & 2, Calamba, V. Rama, Labangon, B. Rodriguez, Banawa, Jakosalem, San Antonio, Echavez Street, Ayala, Hipodromo, Camputhaw, Archbishop Avenue, Cebu City.
Samtang sa pikas bahin, gibutyag ni Tumulak nga nagpadayun gihapon ang pagpahigayon sa declogging sa mga nagkadaiyang drainage system sa mga Barangay sa Dakbayan sa Sugbo, gumikan sa nasinating mga pagbaha sa nakalabay nga buwan.
Samtang gitug-an usab niini ang dakong problema sa basura sa dakbayan, gumikan kay nasayran sa kagamhanan nga nag-operate na ang Binaliw Landfill sa pagpalabay ug basura, apan alang lang sa laing mga lungsod ug dili sa Cebu City.
Kini gumikan sa Partial lifting ang gihatag sa DENR alang sa EEC sa pagpa-operate niini, lakip na usab ang matud pa wala mabayri ng utang sa Dakbayan.
Gihimug-atan niini nga mahinungdanon nga makig-isturya ang kagamhanan sa Dakbayan sa Sugbo sa management sa Prime Waste Solution, aron hisgutang ang pagpalabay sa basura hilabi na nga mokabat sa hapit P1 Billion ang mabayaran.
