Malipayong gipahibalo sa host sa telebisyon nga si Robi Domingo ug sa iyang asawa nga si Maiqui Pineda ang pagkatawo sa ilang unang anak.
Sa usa ka Instagram video, gipaambit sa magtiayon ang mga gutlo didto sa ospital diin makita sila nga nagkugos sa ilang bag-ong natawo nga bata.
Dali nga midagsa ang mga pahalipay gikan sa ilang mga higala ug kaubang mga celebrity, lakip na sila si Gary Valenciano, Darren Espanto, Maja Salvador, Kim Chiu, Luis Manzano, Alexa Ilacad, Bianca Gonzalez, ug Gabbi Garcia.
Sa miaging mga bulan, kanunay nga gipaambit sa magtiayon ang dagan sa pagmabdos ni Pineda, lakip ang mga importanteng milestone samtang nagpaabot sa ilang panganay.
Nagsugod og date sila si Domingo ug Pineda niadtong Agosto 2018 ug nagpakasal niadtong Enero 6, 2024 sa Diocesan Shrine ug Parish of San Isidro Labrador sa Pulilan, Bulacan, human sa kapin lima ka tuig nga panag-uyab.
Bisan tuod pareho silang nagtuon sa Ateneo de Manila University, wala sila magka-uban sa usa ka grupo niadtong kolehiyo ug nagkasuod lang sa paglabay sa panahon tungod sa ilang koneksyon sa industriya sa telebisyon.
