Gibalhin sa militar sa US ang ilang Typhon missile launcher gikan sa Laoag airfield sa Pilipinas ngadto sa bag-ong lokasyon sa isla sa Luzon
Ang maong launcher makahimo sa paglansad og multipurpose missiles hangtod sa liboan ka kilometro.
Samtang ang Tomahawk cruise missiles sa mga launcher mahimong makaigo sa mga target sa China ug Russia gikan sa Pilipinas ug ang SM-6 missiles niini makaigo sa hangin o dagat nga mga target nga sobra sa 200 km o 165 milya ang gilay-on.
Usa ka wala nganli nga senior nga opisyal sa gobyerno sa PH miingon nga ang pag-redeploy sa launcher makatabang sa pagtino kung asa ug kung unsa kadali ang missile nga baterya makabalhin sa bag-ong posisyon sa pagpabuto.
Ang pagbalhin sa Typhoon missile launcher nakita nga usa ka paagi aron kini mas maluwas taliwala sa panagbangi.
Parehong ang United States Indo-Pacific Command (INDOPACOM) ug ang gobyerno sa PH nagdumili sa paghatag sa espesipikong lokasyon diin gibalhin ang Typhoon missile launcher.
Giklaro ni Commander Matthew Comer sa INDOPACOM nga ang pagbalhin sa missile launcher dili timailhan nga magpabilin kini nga permanente sa PH.
Kahinumduman nga ang pagdeploy sa maong armas sa PH niadtong Abril 2024 atol sa training exercise nakaani og pagsaway gikan sa China.
Sa laing bahin, niadtong Septiyembre, ang US miingon nga wala silay plano nga tangtangon ang Typhoon missile launcher gikan sa Pilipinas, nga gikondena sa China ug Russia.
