Gitugutan sa gobyerno sa United Kingdom ang U.S. nga gamiton ang mga base militar niini aron ipatuman ang mga missile strike batok sa mga Iranian missile site nga giingong gigamit sa pag-atake sa mga barko sa Strait of Hormuz.
Sumala sa usa ka pahayag sa Downing Street, nagkita ang mga opisyal sa U.K. aron hisgutan ang mga tensyon sa Iran ug ang pagbabag niini sa Strait of Hormuz, nga giisip nga usa ka hinungdanon nga ruta sa lana sa kalibutan.
Nasayran nga ang kasabutan nagtumong nga ang paggamit sa Estados Unidos sa mga base sa UK sa kolektibong pagdepensa sa kaugalingon sa rehiyon naglakip sa mga operasyon sa depensa sa U.S. aron gub-on ang mga missile site ug mga kapabilidad nga gigamit sa pag-atake sa mga barko sa Strait of Hormuz.
Ingon man nga una na kining gisalikway ni U.K. Prime Minister Keir Starmer ang hangyo sa Amerika, gumikan gusto niini masiguro nga nahisubay sa balaod ang military action.
Apan, gikataho nga nausab ang iyang baruganan human ang Iran mihimo og mga pag-atake sa mga kaalyado sa U.K. sa Middle East.
