-- ADVERTISEMENT --
Gikumpirma ni Presidente Volodymyr Zelensky sa Ukraine nga ang iyang militar miatake sa duha ka oil refinery sa Russia.
Sa usa ka online post, si Zelensky miingon nga ang mga Defense Forces sa Ukraine miigo sa Slavneft-Yanos refinery sa Yaroslavl ug sa Bashneft-Novoil refinery sa Bashkortostan. Dugang pa nga ilang naigo usab ang duha ka patrol boat sa militar ug mga barko gikan sa shadow fleet sa Russia sa Black Sea.
Sumala ni Yaroslavl Governor Mikhail Evraev, ang mga drone sa Ukraine nga miatake sa rehiyon nangaguba, apan ang nahulog nga mga kagun-oban o mga debris hinungdan sa pagkasunog sa tulo ka mga balay.
Sa ulahi gikumpirma sa gobernador nga upat ka tawo ang nasamdan sa shrapnel, apan maayo na lang kay walay namatay sa insidente.
